EER AAN YHVH!

EER AAN JESUS CHRISTUS!

EER AAN DIE HEILIGE GEES!

Psalm 149:1 (1953 vertaling)

HALLELUJA! Sing tot eer van die Here 'n nuwe lied, Sy lof in die vergadering van die gunsgenote!

Hartlike welkom in Jesus, my naam is Eloise Saayman, en ek en Liewe Jesus is baie lief vir jou. Die Heilige Gees het dit op my hart gelê om die liedjies te skryf, en hy het my ook in Sy groot liefde gelei en geïnspireer met die lirieke en melodieë.

Jy mag dalk vra waarom die liedjies net uit stem en snaar bestaan, wel dis hoe Vader dit op my hart gelê het om te doen.

Die liede is geskryf tot eer van Sy Heilige Naam, en daarom is dit Sy eiendom om mee te maak net soos dit Sy Heiligheid geval.

Die liede is gedurende April 2010 geskryf en opgeneem na ek vir 'n geruime tyd die begeerte in my hart gekoester het om 'n CD tot eer van ons Heilige Drie Eenheid te maak.

Twee van die melodieë het ek reeds sowat dertien jaar gelede "geskryf" en die ander ses saam met al agt die ander lirieke is in sowat een week geskryf, ek was siek met Bronghitus en speel toe op my kitaar om die tyd om te kry, en daar begin die melodieë en lirieke te vloei. 'n Week later is almal klaar en ek bespreek die ateljee vir opnames, die finale opname datum was 30 April 2010.

Ek wil jou vra om na die liede te luister en te weet dat die Here Jesus baie lief is vir jou, en jy moet asb. gerus voel om die liede af te laai, en aan soveel as moontlik van jou vriende en familie te gee.

Dis gratis in elke opsig, en ek weet daar is 'n spesiale seën oor elkeen van die liedjies wat tot 'n wonderlike werking in jou Geestelike lewe gaan dien.

Ek maak geen winste uit die CD nie, ek het dit verniet van onse liefdevolle God ontvang en ek gee dit met liefde vir jou. Geniet dit en mag DIE AANGESIG VAN GOD DIE VADER, GOD DIE SEUN EN GOD DIE HEILIGE GEES oor jou skyn.

Liefde groete in JESUS.